عناق محرم

اسم الكتاب : عناق محرم

اسم الكاتبة: فاطمة الشيشني

 ✯✯☆☆☆

On Goodreads

القضية المطروحة جميلة ..قضية الإعاقة وتأثيرها على الشخص والمجتمع من حوله
لكن القصة تحتاج إلى الكثير من التطوير وبناء الشخصيات المختلفة وفهم دوافعها فالشخصية المحورية في الرواية هي الوحيدة التي سمحت لها الكاتبة بالتطور.
مليئة بالـfillers أي أنها محشوة بالكثير من المعلومات التي لا تخدم السياق الدرامي بل تبرز ثقافة الكاتبة وقدرتها في البحث على الانترنت!
طبعا ناهيك عن الأخطاء الإملائية بالنص! وإن كنت أعذرها،فالكاتبة أخبرتني بسوء هذه النسخة التي اشتريتها.
قصة لطيفة تصلح لتسلية الوقت خاصة مع نهايتها الحالمة وبداية مبشرة للكاتبة ولكن لابد من التدريب...التدريب...التدريب على الكتابة الروائية أكثر من ذلك!! كتابة الرواية ليست ككتابة الخاطرة.

حين يشقّ الفجر قميصه

اسم الكتاب : حين يشقّ الفجر قميصه

اسم الكاتب: مي منسّى

✯✯✯✯✯

On Goodreads

العنوان جذَاب للغاية!

في بداية الرواية شعرت بأنني لن أستمتع بها بل لن أكملها لكن مع بداية احتمالي للسرد الطويل والوصف المُبدع ولكنه متكرر لنفس الموقف والمشهد استطعت التعمق معها

رواية جميلة تتبع تفاصيل البطلة بين البلدان المختلفة بحثـًا عن النجاح وهربـًا من مآسي الحرب في لبنان في سرد مبهر لتفاصيل الأمكنة والمشاعر
اللغة العربية قوية وواثقة من نفسها وهذا غير متوقع من الشوام !
المقاطع الموسيقية التي كانت تشير إليها في الرواية عظيمة جدًا واستطعت تحصيل كم كبير من المعلومات عن الموسيقى والموسيقيين والبلدان المختلفة!! فعلا كانت رواية مليئة بالمعلومات والحقائق!
ربما النهاية كانت متوقعة قليلًا ومفتوحة وهذا ما أثارني قليلًا ولكن لا بأس..روعة الرحلة تجعلني أتغافل عن هذه "القفلة" !

استمتعت بها جدًا ووضعتها في قائمة ما سأحاول تحويله إلى سيناريو فيلم يومـًا ما

شكرًا للصديق ابراهيم عادل الذي لولاه ما كنت قد تعرفت إلى الكاتبة مي منسّى (بتشديد السين والياء التي تنطق ألف)متحمسة لقراءة بقية أعمالها


وأنصحكم بقراءة هذه الرواية

Why Men Love Bitches: From Doormat to Dreamgirl - A Woman's Guide to Holding Her Own in a Relationship

اسم الكاتب: Sherry Argov

اسم الكتاب :Why Men Love Bitches: From Doormat to Dreamgirl - A Woman's Guide to Holding Her Own in a Relationship 

✯✯✯✯☆

للتحميل

On Goodreads

الكتاب دا بيـ relate لعلاقات كتيرة في حياتنا
تقريبـًا وأنا بقرأ كل شوية أقول : ايه دا! دا بالظبط زي ما فلانة عملت!
ايه دا! دا بالظبط زي ما علانة قالت!

بس بصراحة الكتاب ينفع أكتر للناس اللي هي لسه في مرحلة التعارف والـdating 
يعني لو واحدة مرتبطة من فترة طويلة ممكن ما تعرفش تطبق كل اللي فيه بس برضو فيه نصايح مهمة جدًا للحفاظ على شكل العلاقة متوازن خاصة لو هي  مع شخص مش متفهم أو حاسة إنها ضحية في العلاقة أو إنها نكدية وهو مكبر دماغه

الكتاب يعيد تعريف كلمة Bitch اللي معناها هنا مش "عاهرة" بل معناه السيدة الواثقة من نفسها المستقلة التي تضع راحتها أولًا وتضع نفسها في المقام الأول
يعني باختصار بيقول للبنت المصرية : ماتضحيش عشان حد يختي..محدش يستاهل تتعبي عشانه غير نفسك! والرجالة بتحب كدا سيبك انتي من جو مراهقين الفيسبوك بتاع أنا بحب البنت اللي شعرها طويل وعينيها خضرا وقصيرة عشان أقدر أحتويها 
ورفيعة عشان أشيلها يوم فرحها وfake ونحنوحة وووووإلخ

SURPRISE!
الرجالة ما بتحبش كدا..تؤ تؤ تؤ تؤ 

عمرك سألتي نفسك إزاي الواد الجامد (جدن بالنون) اللي انتي لا مؤاخذة -بتريّلي عليه- انتي والشلة بتاعتك مرتبط بالبنت اللي انتي شايفاها عادية ومفيهاش علامات جمال ومش سيكسي فشخ زيك؟!
عمرك سألتي نفسك ازاي رغم إن جسمك حلو وشعرك موزبليه وبتلبسي قصير ومحزق وبتصاحبي كتير ومع ذلك مفيش علاقة  ليكي بتكمل؟!

الكاتبة هنا بتجاوب على كل تساؤلاتك بكلمة واحدة ...خلي عندك كراااااااامة..كغااااامة...كاف راء ألف ميم تاء مربوطة!

ما تبينيش للراجل إنك هتموتي عليه..ماتطبخيش طبخة واو وانتوا لسه عارفين بعض من أسبوع (أنا بقولك صحابك أولى بالطبخة دي)..مش لازم تلبسي ضيق وجسمك يبان عشان الشوباب يعجب بيكي (هما هيموتوا على جسمك مش عليكِ كانسانة بس ولما ياخدوا غرضهم -اللي هو جسمك- هيرموكِ ولا أجدعها شلة مغتصبين ودي مش علاقة انتي عاوزاها دا اغتصاب باسم الارتشباط والحب)..ماتضحيش بمستقبلك وبشغلك وبصحابك عشانه وما تجيش عليهم عشانه -برضو-!... ماتقرفيهوش اتصالات..مش لازم تردي عليه كل مرة يتصل (خليه حايح شوية وهيتجنن انتي فين)..خليكِ مستقلة ماديـًا حتى بعد الزواج ولو كان غني جدًا -برضو-!
وحاجات تانية كتيييييرة بتصب في مصلحتك انتي يا أوختشي والله..!
الكتاب هيقولك ازاي تاخدي حقك بأدب وشياكة من غير خناق وزعيق لما يضايقك..يتجاهل مطالبك..يعمل حاجة مش حباها..وطبعًا إزاي تتعاملي مع الغيرة -الحته دي بالذات هتخليكي تقري الكتاب-

نصيحة يعني،اقفلي صفحة الفيسبوك واعملي بلوك لصفحات النحنحة وفوقي للكتاب دا شوية واقريه..وانتي هترجعي تبصي للهبل بتاع المراهقين دا باحتقار وتبدأي فعلاً تدوري على الراجل اللي بجد..الراجل الحقيقي..مش شوية العيال اللي هرموناتهم طافحة على كلامهم وتصرفاتهم دول!

ملاحظة/ هتلاقي واحد أهبل بيقولك الرجالة في الشرق مختلفين وإن مش كلهم زي بعض..دا باللي في رجلك وعلى دماغه عشان دا بالذات هتلاقي الكتاب متكلم عنه وسط السطور وهتكتشفي إنه مش الراجل اللي انتي عاوزة تعرفيه!

ملحوظة رقم 2  / الكتاب الانجليزي لغته سهلة..لو بتتفرجي على أفلام أمريكاني هتفهميه بسهولة